2026世界盃：杜曹保
守悶暈克羅地亞英格蘭靠磨吼細盤_東方日報

「三獅兵團」隆重登場！最受港人關注嘅英格蘭，今晚喺世盃L組首輪惡鬥克羅地亞。「三獅」主帥杜曹一向功利，唔介意場面肉酸，入到波就磨到；另邊廂克羅地亞遇硬仗亦會打穩陣牌，寧捧2.5球細盤。

（Now 618及616周四凌晨4時直播）文:法達斯維

英格蘭主帥杜曹當初上任即擲地有聲，佢嘅任務就係要奪得世盃，因此決心打造屬於自己嘅球隊，唔單止剔走高爾彭馬、菲爾科頓等大牌球星，更以贏波大過天為前提，好多時打開紀錄，最多攞到「燕梳球」即收韁。英軍於世盃外8戰全勝兼零失球係好靚嘅成績表，但當中面對安道爾、阿爾巴尼亞等弱旅，都是小勝居多，再睇埋近6仗獲4勝1和1負，有5次開2球或以下，包括早前同弱旅新西蘭拍跳小勝1比0，保守到暈。

「格仔兵」老將多活力欠佳
另邊廂，克羅地亞26人名單有7人年逾30，包括40歲隊長兼中場核心莫迪歷，仲有6個接近「3張」嘅球員，好聽啲係經驗豐富，實際上係青黃不接。主帥達歷深明球隊活力唔夠嘅問題，為免自暴其短，惟有採用傳控型及偏向慢節奏嘅戰術，「格仔兵」遇硬嘢亦鍾意鬥磨，例如上屆對日本同巴西法定時間都係打和，今仗絕對唔會同英軍硬碰硬。

何況英、克兩軍係L組最強球隊，佢哋之後面對加納同巴拿馬，贏波機會好高，加上今仗只係首輪，強強對碰唔輸冇壞，細盤係最佳選擇。